काठमाडौं । राष्ट्रिय प्रजातन्त्र पार्टीका प्रमुख सचेतक ज्ञान बहादुर शाही (ज्ञानेन्द्र)ले राजसंस्थालाई जनमत वा आन्दोलन नभई छलकपटबाट हटाइएको आरोप लगाएका छन् ।
प्रतिनिधि सभाको मंगलबारको बैठकमा उनले पूर्वराजा ज्ञानेन्द्रलाई बाघको संज्ञा दिँदै भने, “रङ मिल्यो भन्दैमा बिरालो बाघ हुन सक्दैन।”
उनले अहिलेको संविधान र व्यवस्था विदेशीको डिजाइन भएको दाबी गर्दै १२ बुँदे सहमति, नेताहरूको भारतमा लुकाइने अवस्था, र भारतीय नेताहरूका अभिव्यक्तिलाई प्रमाणका रूपमा प्रस्तुत गरे ।
“यो संविधान भारतले ल्याइदिएको हो,“ उनले भने, “राष्ट्रवादी भनेको राष्ट्रवादी नै हो, बाघ बुढो भए पनि बाघै हो।” शाहीले कसैको राजनीतिक आस्थामाथि प्रश्न उठाउनु गलत भएको बताए ।
