काठमाडौँ । नेपाली कांग्रेसका महामन्त्री विश्वप्रकाश शर्माले गृहमन्त्री रमेश लेखकमाथि विषयमा उजुरी पनि नपरेको र छानबिन नभएको अवस्थामा राजीनामा दिने अवस्था नरहेको बताएका छन् ।
संसद परिसरमा पत्रकारहरुसँग कुरा गर्दै महामन्त्री शर्माले रवि लामिछानेसँग जोडेर रमेश लेखकको राजीनामा माग्न नमिल्ने बताउदै लेखकमाथि छानबिन शुरु भए मात्र राजीनामाको विषय आउने बताएका हुन् ।महामन्त्री शर्माले रवि लामिछानेको हकमा उजुरी परेर सिआईबीले छानबिन गरिरहेको अवस्था रहेको बताए ।
उनले हाल विमानस्थलमा कार्यरत कर्मचारीमाथि मात्र छानबिन भइरहेकोले गृहमन्त्रीले सो विषयमा राजीनामा दिनुपर्ने विषय नमिलेको स्पष्ट पारे ।उनले भने- यो अनुसन्धान अख्तियारले गरिरहेको छ र अख्तियारले एयरपोर्टमा रहेका कर्मचारीहरुको अनुसन्धान हुदैछ ।
कमर्चारीमाथि अनुसन्धान हुदै गर्दा लहरो तान्दै गर्दा गृहमन्त्रीको टेबलसम्म पुगेमा गृहमन्त्रीले छोड्नु पर्छ भन्ने स्वाभाविक हुन्छ । अहिले अघिल्लो गृहमन्त्रीसँगको कुरालाई गाँसेर अलिकति आवेग प्रकट हुन खोजे जस्तो देखियो । अघिल्लो पटक भन्दा अहिले फरक कुरा छ ।’
