पूर्वराजा शाहद्वारा नारायणहिटीस्थित नारायणधाम मन्दिरमा पूजाअर्चना

काठमाडौं । पूर्व राजा ज्ञानेन्द्र शाहले नारायणहिटी दरबारभित्र रहेको चतुव्र्यूह नारायणधाम मन्दिरमा पूजाअर्चना गरेका छन् ।

पूर्वराजा शाह, पूर्वरानी कोमल, पूर्वअधिराजकुमारी प्रेरणा र पूर्व नवयुवराज हृदयेन्द्र शाहले शनिबार साँझ नारायणहिटी दरबार परिसरमा रहेको नारायणधाम मन्दिरमा पूजाआजा गरेका हुन् ।

यस मन्दिरमा राजपरिवारका सदस्यहरूले नियमित दर्शन तथा पूजाअर्चना गर्ने गरेका छन् । नारायणहिटी दरबार परिसरमा रहेको उक्त मन्दिर सर्वसाधरणका लागि पनि खुला छ ।

पूर्व नवयुवराज हृदयेन्द्र केही दिनअघि मात्रै अमेरिकाबाट नेपाल फर्किएका थिए । अमेरिकाको बोस्टनमा अध्ययनरत उनी बिदामा नेपाल आएको बताइएको छ ।