काठमाडौं । गृह मन्त्रालयका सहसचिव तीर्थराज भट्टराई पक्राउ परेका छन् ।
त्रिभुवन अन्तर्राष्ट्रिय विमानस्थल कार्यालयका प्रमुख अध्यागमन अधिकृत रहेका भट्टराई मंगलबार बेलुकामात्र गृह मन्त्रालयमा सरुवा भएका थिए । अख्तियार दुरुपयोग अनुसन्धान आयोगले बिमान स्थलको आज अध्यागमनमा छापा मारेको थियो । उनलाई अख्तियारले नियन्त्रणमा लिएको हो ।
स्रोतका अनुसार भट्टराईले मानव तस्करीको गिरोहसँग साँठगाँठ गरेर भिजिट भिसामा युएइको दुबई लगायत बिभिन्न देशमा पैसा लिएर मानिस पठाउन सहयोग गरेको उजुरी अख्तियारमा परेको थियो । यही बिषयलाई लिएर अख्तियारले उनलाई पक्राउ गरेको हुनसक्ने आशंका गरिएको छ ।
