काठमाडौं । सत्ताको प्रमुख घटक दल नेपाली कांग्रेसका महामन्त्री गगन थापा र विश्वप्रकाश शर्माबिना पार्टीका शीर्ष नेताहरूको बैठक बसेको छ । बैठक पूर्व प्रधानमन्त्री एवं कांग्रेस सभापति शेरबहादुर देउवा निवास बूढानीलकण्ठमा वर्तमान र पूर्व पदाधिकारीको बैठक बसेको छ ।
बैठकमा दुई महामन्त्री गगन थापा र विश्वप्रकाश शर्मा भने अनुपस्थित रहेको बताइएको छ । मौसममा खराबी हुँदा प्लने उड्न नसकेपछि महामन्त्री थापा सडकमार्गबाट काठमाण्डू आइरहेका छन् ।
सडकमार्गबाट आइरहेको हुँदा थापा पार्टी बैठकमा सहभागी हुन नसकेको बताइएको छ । नेपाल लिट्रेचर फेस्टिबलमा शुक्रबार भएको ‘निराशा व्याख्या र वास्तविकता’ सेसनमा थापा वक्ता रहेका थिए ।
महामन्त्री थापा बिहीबार पोखरामा भएको लोकतान्त्रिक उद्योग वाणिज्य संघ गण्डकी प्रदेशको तेस्रो स्थापना दिवसमा सहभागी भएका थिए । अर्का महामन्त्री शर्मा भने गृह जिल्ला झापामा छन् । शर्मा २३ फागुनमा मात्रै काठमाण्डूमा आउने तयारी रहेको छ ।
अध्यादेश, संसद्मा दर्ता भएका विधेयक, भ्रातृ संस्थाको अधिवेशन लगायतमा छलफल गर्न सभापति देउवाले शीर्ष नेताको बैठक बोलाएका थिए ।
