चितवन। राष्ट्रिय स्वतन्त्र पार्टी (रास्वपा) का सभापति रवि लामिछाने चितवन जिल्ला अदालतमा उपस्थित भएका छन्। उनी बुधबार कार्यालय खुल्ने बित्तिकै साहारा चितवन बहुउद्देश्यीय सहकारीको बचत अपचलनविरूद्ध मुद्दामा बयान दिनका लागि अदालत पुगे।
लामिछानेसहित १२ जनाविरुद्ध मंगलबार जिल्ला सरकारी वकिल कार्यालय चितवनले सहकारीको बचत अपचलन कसुरमा मुद्धा दायर गरेको थियो। यसमध्ये १२ जनाविरुद्ध संगठित अपराधको अभियोगसमेत गरिएको छ।
गोरखा मिडिया प्रा.लि.का तत्कालीन प्रबन्ध निर्देशक रवि लामिछानेलाई संगठित अपराध र ठगीमा मुद्दा चलाउनुपर्ने रायसहित प्रहरीले प्रतिवेदन बुझाएको थियो। तर, जिल्ला सरकारी वकिलको कार्यालयले संगठित अपराधमा मुद्दा दायर नगरी ठगीको आरोपमा मात्र मुद्धा दर्ता गरेको छ। यस कारण, जिल्ला न्यायाधीवक्ता शान्तिप्रसाद लुइँटेलको सरुवा गरिएको छ।
लुइँटेलले तर्क गरे कि गोरखा मिडियामा गएको रकमको चेक काट्ने बाहेक लामिछानेको संलग्नता नदेखिएको र अन्य सञ्चालकसँग अन्य कम्पनीमा साझेदारी पनि नभएको कारण संगठित अपराधमा मुद्दा चलाउन नमिल्ने हो। प्रहरी प्रतिवेदनमा साहारा चितवन सहकारीको १० करोड ८० लाख १८ हजार १ सय ५१ रुपैयाँ गोरखा मिडियामा गएको उल्लेख गरिएको छ।
