काठमाडौं । एमाले सचिव एवं सुदूरपश्चिम इन्चार्ज लेखराज भट्टले भीम रावलका कारणले सुदूरपश्चिममा एमालेलाई खासै असर नपर्ने दाबी गरेका छन ।
रावल एमालेबाट निष्कासनमा परेका छन् । एमालेको सचिवालय बैठकले गत १० पुसमा रावललाई पार्टीबाट निस्कासन गरेको थियो । सचिवालयको उक्त निर्णयलाई केन्द्रीय समितिले समेत स्वीकार गरिसकेको छ ।
एमालेबाट निस्कासनमा परेका रावल नयाँ पार्टी निर्माणको प्रक्रियामा छन् । यसका लागि उनी देश दौडाहमा छन् । रावलले नयाँ पार्टी बनाउन लागिरहेका बेला एमालेका सचिव भट्टले पार्टीमा खासै असर नपर्ने बताएका हुन ।
उनले भने, ‘भीम रावलजीका कारणले पार्टीलाई खासै असर पर्ने कुरा छैन । रावलकै कतिपय अभिव्यक्ति र उनको व्यवहारका कारणले समेत पार्टीलाई क्षति नपुग्ने भट्टको भनाइ छ । भट्ट भन्छन्, ‘उहाँले जे बोल्नुभएको छ । त्यसले पनि एमालेलाई असर नगर्ने देखाउँछ । उहाँको व्यवहार पनि त्यस्तै छ जसले सुदूरपश्चिमा पनि खासै असर गर्दैन ।’
