जनकपुरधाम । धनुषाको शहीदनगर नगरपालिका–५ यदुकोहामा विष सेवनबाट तीन बालबालिकाको ज्यान गएको छ भने आमा गम्भीर छन् ।
प्रहरीका अनुसार सुशील साहका ६ वर्षीय छोरा आदित्य साह, ४ वर्षीया छोरी आकृति साह र २ वर्षीया आरुसी साहको मृत्यु भएको हो । आमा पविता साहको जनकपुरस्थित प्रादेशिक अस्पतालको भेन्टिलेटरमा उपचार भइरहेको छ ।
सोमबार साँझ घरमै विष सेवन गरेको अवस्थामा फेला परेका उनीहरूलाई अस्पताल लैजाँदा तीनै बालबालिकाको ज्यान गएको थियो ।
प्रहरीले घरायसी विवादका कारण आमाले सन्तानलाई विष खुवाई हत्या गरी आफैं आत्महत्याको प्रयास गरेको आशंका गरेको छ । घटनाबारे अनुसन्धान भइरहेको प्रहरीले जनाएको छ ।
