काठमाडौं । प्रहरीले त्रिभुवन अन्तराष्ट्रिय विमानास्थलबाट ६ किलो गाँजासहित एक विदेशी महिलालाई प्रहरीले पक्राउ गरेको छ । पक्राउ पर्नेमा थाइल्याण्डकी २७ वर्षीया मिस कनोकवान पोंगसुवान रहेकी त्रिभुवन विमानस्थल स्रोतले जानकारी दिएको छ ।
उनलाई विमानस्थलको भन्सार एरियाबाट प्रहरीले पक्राउ गरेको हो । उनको लगेजबाट ६ किलो गाँजा बरामद भएको प्रहरीले जानकारी दिएको छ । उनी थाइ एअरको उडानमार्फत काठमाडौं आएकी थिइन् ।
उनलाई थप अनुसन्धानका लागि लागु औषध नियन्त्रण ब्यूरो कोटेश्वरमा बुझाईको विमानस्थल स्रोतले जानकारी दिएको छ ।
