काठमाडौं । काठमाडौंको सुकेधारामा एक तेश्रो लिंगीको हत्या भएको छ । ओलढुंगाको मानेभञ्ज्याङ गाउँपालिका–६ का ५० वर्षीय अडवीर राईको धोबीखोला करिडोर नजिक हत्या भएको हो ।
जिल्ला प्रहरी परिसर काठमाडौंका एसपी अपिलराज बोहराका अनुसार शिवरात्रिको पूर्वसन्ध्यामा गाँजाको विषयमा भएको विवादपछि राईको हत्या भएको खुलेको छ ।
हत्यामा संलग्न रहेको आरोपमा प्रहरीले दोलखा मेलुङ्ग गाउँपालिका–६ स्थायी घर भएका २९ वर्षीय विराट शाही ठकुरीलाई शुक्रबार भक्तपुरको सल्लाघारीबाट पक्राउ गरेको छ ।
शाही यात्रु बसका सह-चालक रहेको खुलेको छ । शाहीले ५ सयमा किनेको गाँजाको मूल्य ५ हजार मागेपछि विवाद भएको र त्यस क्रममा आफूले ढुंगाले किचेर राईको हत्या गरेको स्वीकार गरेका छन् ।
हत्यापछि शव धोबीखोला करिडोर छेउमा रहेको पुरानो शौचालयमा फोहोरले छोपेर हिंडेको उनले बयानका क्रममा बताएका छन् ।
