काठमाडौं । त्रिपाठीमाथि कुटपिटमा संलग्न रहेको आरोपमा थप एक जनालाई पक्राउ गरेको छ ।
पक्राउ पर्नेमा हुम्ला अदानचुली गाउँपालिका–४ का ३२ वर्षीय महेन्द्र पाण्डे भन्ने महानन्द जैसी छन् । हाल काठमाण्डूको सूर्यदर्शन हाइटमा बस्दै आएका उनी टोखा नगरपालिका–३ बाट पक्राउ परेका हुन् ।
स्वर्णलक्ष्मी सहकारीको रकम अपचलन मुद्धामा बचतकर्ताका पक्षमा बहस गरेर बाहिरिने क्रममा त्रिपाठीमाथि गत २ पुसमा जिल्ला अदालत काठमाण्डू परिसरमा कुटपिट भएको थियो । घटनापछि जैसी फरार थिए ।
राष्ट्रिय स्वतन्त्र पार्टी (रास्वपा) ले पनि घटनाको निन्दा गर्दै आफ्ना कार्यकर्ता संलग्न भएको पाइए कारबाही गर्न राज्यका निकायलाई आग्रह गरेको थियो ।
