काठमाडौं । नेपाल प्रहरीका २५ जना एसपी एसएसपीमा बढुवा सिफारिस भएका छन । एक नम्बरमा रमेश थापा बढुवा सिफारिसमा परेका छन् । बढुवा सिफारिसको एक नम्बरमा परेका थापा बर्तमान कांग्रेस र एमालेको सत्ता गठबन्धन बनाउन योगदान गर्नुभएको र सहमतिका लागि घर उपलब्ध गराउनुभएको व्यवसायी रामेश्वर थापाका भाइ हुन ।
थापालाई प्रधानमन्त्री केपी शर्मा ओली र पूर्व प्रधानमन्त्री शेरबहादुर देउवाकै सहमतिमा भावी प्रहरी प्रमुखको रूपमा अघि बढाइएको स्रोतले जानकारी दिएको छ । उनी नेपाल प्रहरी प्रधान कार्यालय नक्शालको अन्वेषण योजना तथा विकास निर्देशनालय नक्सालमा कार्यरत छन् । त्यसपछि क्रमशः अजय केसी, अनुपम शम्शेर जबरा, बीरबहादुर बुढामगर, नवराज अधिकारी, कृष्णप्रसाद कोइराला, होबिन्द्र बोगटी, कृष्णप्रसाद पंगेनी, गोबिन्द अधिकारी, बिनोद सिलवाल र श्याम कुमार महतो एसएसपीमा बढुवा सिफारिस भएका छन् ।
यसैगरी बेद विष्ट, शिवकुमार श्रेष्ठ, प्रकाश मल्ल, शान्तिराज कोइराला, जनार्दन जीसी, रञ्जु सिग्देल, सन्तोष खड्का, सन्तोष कुमार भट्टराई, राजेन्द्रप्रसाद धमला, सन्तोषसिंह राठौर, सञ्जय सिंह थापा, बिमलराज कँडेल, महेन्द्र खड्का र प्रभु प्रसाद ढकाल पनि बढुवा सिफारिसमा परेका छन् । बढुवा सिफारिस समितिले गरेको सिफरिस गृह मन्त्रालयले सोमबार राति प्रकाशित गरेको छ ।
