काठमाडौं । राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङदेनले प्रधानमन्त्री केपी ओलीलाई भेटेका छन् ।
ओली भेट्न लिङदेन बिहीबार साँझ प्रधानमन्त्री निवास बालुवाटार गएका थिए । राप्रपा प्रवक्ता मोहन श्रेष्ठले राष्ट्रिय एकता दिवसका अवसरमा शनिबार पार्टीले राजधानीमा आयोजना गरेको चियापानको निम्तो दिन ओलीलाई भेटेको बताए ।
ओली र लिङदेनबीच समसामयिक राजनीतिक विषयमा समेत कुराकानी भएको थियो । झापा निवासी ओली र लिङदेन राजनीतिक रुपमा एकअर्काका सहयोगीका रुपमा चिनिन्छन् । पछिल्ला दुई निर्वाचनमा एमालेले लिङदेनलाई झापा–२ र राप्रपाले ओलीलाई झापा–५ मा सहयोग गरेका थिए ।
