काठमाडौं । ललितपुर सातदोबाटोस्थित एक घरमा अवैध कल सेन्टर र जुवा अड्डा चलाउँदै आएका ५३ जनालाई प्रहरीले पक्राउ गरेको छ । पक्राउ पर्नेमा तीन जना भारतीय पनि छन् । केन्द्रीय अनुसन्धान ब्युरो (सिआइबी) को टोलीले उनीहरुलाई सोमबार पक्राउ गरेको हो ।
ब्युरोका एसपी होबिन्द्र बोगटीका अनुसार सिंगै घर भाडामा लिएर कल सेन्टर र जुवा खाल चलाइरहेको सूचनाका आधारमा टोलीले छापा मारेको थियो । उनीहरुमाथि छानबिन अघि बढाइएको बोगटीले बताए । उनका अनुसार मंगलबार म्याद थपका लागि अदालतमा पेस गर्ने तयारी छ ।
